Jeems IV (abuin) rang fae 1488 until 1513 (National Gallery of Scotland)

It is 515 year this week (15 September 1507) that King Jeems IV gied oot a chairter unner his privy seal grantin tae Walter Chepman an Andra Millar the richt tae set up a prent press, Scotland’s first. King Jeems hisel wis versant in sindry leids an sae langage maitert til him. The press wis estaiblisht in the ware o 1508 in a hoose at the Blackfreear’s Wynd, aff the Soothgait o Embra, an a puckle warks in Latin, Scots, an Soothron, syne cam aff it. Some o thir buiks an prents can be seen tae this day in the National Leebrar o Scotland an mark the stert o Scotland’s ain tradeetion throu the prent word.

The’r a soond file o this story in Scots ablow.