The Centre for the Scots Leid wad like tae walcome Dr Clive Young as a memmer o the buird that owersees the wark o the Centre. Onybody that haes haen ocht tae dae wi the Scots leid in the bygane thirty year will ken Dr Young as a kenspeckle advocate for its community. Fae his caufgrund in Embra, syne Dr Young becam the Heid for Feshin-on Programmes at the Versity College o Lunnon, until his retiral in 2023.  Forby, he wis an Associate Lecturer wi the Open Versity an haes wrutten sindry papers anent the Scots leid. His 2023 buik Unlocking Scots looks at the weys that speakers o the leid wis dauntont and dung doun in fernyears. Dr Young is noo pittin thegither a follae-up that vizzies the gaits Scots cuid tak efter the passin in 2025 o the Act for the Leids o Scotland.

The’r a soond file o this story in Scots abuin.