The Wee Grants for Makkin throu Scots is open aince mair. Fundit bi Scotland Makkin (Creative Scotland), The Scots Government, an the Rubric Foondation, the siller fae Wee Grants is for fowk, communities or organisations ettlin tae mak ony split-new project throu the Scots leid that the publict will can get tae see. Ane o the successfae applicants will ootset or perform thair wark at the Awairds tae the Scots Leid tae be held at the Discovery Centre, in Dundee, on 19 September 2026. Ilk Wee Grant is for £1,000, but a body that’s fundit fae sindry ither gaits for a project micht can get this siller as an eik. The body pittin in for a Wee Grant maun lat the funders ken hoo this siller wad forder or better uphaud the project, an whither it wad bring it tae mair fowk. The Wee Grants is open til awbody ower the age o 18 that haes proven skeel o the Scots leid, whither as an airtist, storyteller, poyet or makar, comic, sangster, or film makar, but nae applications will be taen fae ony mercatin, profit-makkin body.

For tae ken mair o the parteeclars an rules anent this, or pit in for a Wee Grant, please clap yer device on the Awairds wabsteid https://projects.handsupfortrad.scot/scotslanguageawards/wee-grants-for-creativity-in-the-scots-leid/ whaur a body can dounlaid a PDF forby. Please tak tent that ye’ll hae tae pit forrit yer ain parteeclars, an ony ootline o yer project, an that the deidline for pittin in is 28 Februar 2026.

The’r a soond file o this story in Scots abuin.