The grant for settin furth buiks in the Scots leid is noo open for 2026. Fundit bi the Scots Government, bi gait o the Buik Trust for Scotland, this fund wis estaiblisht in 2019 bi the Resource Netwark for the Scots Leid for tae uphaud screivars in Scots an see thair warks set furth. The siller grantit taks in ony darg on editin, prentin, an aw sindry ettles in seein a wark pit oot in the mercat. This comprehends split-new warks, owersettins, or bringin back aulder warks that’s some wey kenspeckle in oor culture.

The Buik Trust is open an takkin applications the noo, sae please clap yer device on the wabsteid https://www.scottishbooktrust.com/writing-and-authors/scots-language-publication-grant for tae dounlaid aw files an wittins sib tae this. Tak tent that the deidline for pittin in for this is twalhoures on Wadensday 25 Februar 2026.

The’r a soond file o this story in Scots abuin.