The 46 memmers o the European Cooncil will be haudin the European Day o Leids on 26 September 2026 for tae awn the rich sindriness o leids, an freenship atween kintras an speakers. As pairt o this, an for tae mark the day, the European Centre for Modren Leids haes brocht oot an offeecial T-sark that can be coft in sindry leids, Scots comprehendit. Maria Beatriz Castro fae Portingal makkit the design for this year’s competeetion an it shaws baith harns an hert wi a face atween for the pouer o words. The T-sark can be coft bi gait o pairtner body Spreadshirts.com, sae please clap yer device here https://ecml.myspreadshop.at/edl+t-shirt+2026+-+scots+(sco)?idea=69943cc48cefa01c5c0cd27d for tae tak a swatch. Forby the T-sark, a body can coff a wheen o guids an geir sic as bags, cups an keps aw prentit wi the words European Day o Leids.

The’r a soond file o this story in Scots abuin.