Bairns at the wee-scuil at Neilsland, in Lanrikshire, haes o late been takkin a shot at weirin gey-near raelity heidsets – ithergaits kent as VR – as anither knackie wey o learnin aboot Scotland an hits cultural heirship. Comprehendit amang the subjects is the Scots leid an-aw. Bi gait o apps, bairns can be taen intil rael-life surroonds, an haud a twa-wey crack that gies them skeel throu a gien leid. The surroonds cuid tak in onything fae orderin meat an maut at an eatery til a body makkin his or her wey aboot a toun. At Neilsland the bairns haed clesses twyst a week for 30 meenits, ower fower weeks awthegither, an ae braw affcome o this wis mair regular attendance. For younkers that whiles finds the scuil a bittie darg, takkin on lare bi gait o VR can be a walcome terr.

The’r a soond file o this story in Scots abuin.

Photie bi Evan-Amos.