The Ulster-Scots Braidcast Fund, alang wi Norland Irland Screen, haes pit oot a caw for twa bodies tae be prenticed throu the Braidcast Fund. This will be a braw inlat for twa fowk tae be taen on an learn the airts o braidcasting. Cryed in Soothron, Ulster-Scots New Entrant Production Trainee Scheme, it will run fae Mey 2026 until Mey 2027, wi the successfae applicants gien a place wi a TV-makkin company steidit in Norland Irland. Prentices will be learnt the airts o speirin-oot, feshin-on projects, takkin filmin in haun, an editin. Thay will tak pairt in an Ulster-Scots warkshop forby, an collogue wi ithers skeely in the braidcast airts. For tae get mair wittins o this, or pit yersel forrit for the poseetions, please clap yer device on the wabsteid https://northernirelandscreen.co.uk/skills/usbf-training-opportunities/ The deidline for pittin in is 1pm on Friday 10 Aprile 2026.

The’r a soond file o this story in Scots abuin.

Photie taen fae: Northern Ireland Screen.