The Scots leid haes haen a heize o late fae a fund for feshin-on an novation that’s gied oot bi the Scots Leebrar an Information Cooncil. In parteeclar, the National Leebrar o Scotland haes been awairdit £9,500 for tae pit thegither a coorse an help pack – cryed Read tae rise - for uiss in preson leebrars. The coorse is grundit pairtly on the leebrar’s ain gaitheries, alang wi inpit fae learners, an ettles tae shaw hoo muckle leebrars can uphaud lifelang lare. It gies presonars in Scotland’s jyles the inlat tae learn mair anent the Scots leid, its oreeginal, history an spreid, an in whit weys it kythes in thair ain backgrund an ordnar crack.

The’r a soond file o this story in Scots abuin.