Dumfaurlin-steidit cairtoon buik screivar, Colin Maxwell, peyed a veesit this bygane week tae the younkers at the Heich Scuil o Innerkeithin. Maxwell spak tae S1 pupils anent Scots history an his wark in makkin cairtoon novels that’s wrutten throu the Scots leid. Teachers at the scuil threapit on the importance o the pleesure that a body can tak fae readin, an hoo muckle younkers micht learn while atween the pages o ony buik. Mr Maxwell said that the Scots leid wis faurben Scotland’s culture an that younkers shuid never be sweirt tae speak throu an write in the leid. As a handsel, Mr Maxwell giftit a dooble o his buik The Dunfermline Story tae the scuil leebrar, an teacher Lucy Wylie eikit that Scots wis regairdit as a rich pairt o the younkers’ education that thay war eident in hauns wi.

The’r a soond file o this story in Scots abuin.

Photie taen bi Heich Scuil o Innerkeithin.