No lang syne the Scots and Gaelic leids wis the talk o the steamie on TikTok. In parteeclar, the North East dialect o Scots – whiles kent as the Doric – haes haen mair o a heize throu fowk gauin online. On TikTok noo veesitors can clap on a Doric Word o the Day, spoken oot an aboot bi sindry louns an quines, wale oot words an saws, an get the meanings ahin them.

Reportin anent this, Emma Lawson o The Sunday Post speirt at Professor Robert McColl Miller, o the Versity o Aiberdeen, an got a wheen o his thochts. Abuin aw, the war ae lang-heidit thing he said that wis pyntit: that the brig atween the spoken an wrutten leid in Scots haes been estaiblisht aince mair. This is acause wab media haes noo gien Scots speakers a freedom o ingait an maun be coontit ane o the maist important chenges in the warld o Scots thir 30 year bygane. Laura Green, Education Officer wi the Centre for the Scots Leid, eikit that it wisna sae muckle that mair fowk wis takkin up Scots -  a leid that’s aye been hereaboots – but raither Scots wis mair veesible gettin bi gait o the wab media whaur Scots speakers can crack, uplaid wittins, an learn ithers.

The’r a soond file o this story in Scots abuin.