Weel-kent screivar Susan Rennie haes brocht oot a new wark in Scots. Cryed The Tale o Jennie Dubbie-Deuk it is an owersettin o Beatrix Potter’s 1908 buik The Tale of Jemima Puddle-Duck, an eiks til anither Potter wark in Scots – Peter Kinnen (Peter Rabbit) bi Lynne McGeachie in  2004.  Rennie’s is a twa-leid ootgie that haes the oreeginal text in Inglis wi the ane in Scots forenent, alang wi the auld watter colour pictures. A braw buikie that parents an teachers can gae ower wi thair bairns an pupils, either throu Scots jist, or gauin back an forrit atween the twa leids for cless wark.

It is set furth bi German publisher Edition Tintenfass (ISBN 978-3986511180) an can be coft either bi gait o thaim thairsels https://editiontintenfass.de/en or throu the ordnar buik haunlars here in Scotland fae Mey 2026. For tae ken a bittie mair, please clap yer device on Susan Rennie’s https://scrennie.com/ ain wabsteid.

The'r a soond file o this story in Scots abuin.