For the third year gauin, The Wildlife Trust for Scotland is haudin its Words of the Wild competeetion. Grundit on screivings anent the natural warld, the competeetion is free ingait an this year haes as its subject ‘chengin seasons’. Open til awbody in the UK, intries can be wrutten in the Scots, Scots Gaelic, an Soothron leids, wi sindry sheeds for baith adults an younkers. A body can pit forrit either a poyem, cutty story, academic airticle, or sang, sae lang as it is nae mair nor 1,000 words an is a split-new wark. Wark shuid be sent bi the deidline o midnicht on 12 Jooly 2026. Please clap yer device on the Trust wabsteid https://scottishwildlifetrust.org.uk/wordsofthewild/competition/  for tae speir-oot mair.

The'r a soond file o this story in Scots abuin.