Aiberdeenshire singer an sang screivar Arwen Scott is amang a screed o airtists an music makars that haes been awairdit siller bi the Youth Music NextGen Fund. Scott is skeely in 17 sindry instruments, haes been playin the piana fae the age o fower, an writes in baith Scots an Soothron. Throu her wark, she maks an sings aboot the drees an howps o younkers the day, grundit on her skeel o the auld sangs an ither tradeetions o the north-east o Scotland. As the affcome o this awaird, Scott will be makkin an album o sangs throu the Scots leid, alang wi music that’s been wrutten ower the twa year bygane.

The’r a soond file o this story in Scots abuin.

Photie taen fae the wabsteid o the National Foundation for Youth Music.