The winners o the McCash competeetion for poyems throu the Scots leid haes noo been annoonced. The competeetion is run jynt-like atween the Depairtment for the Leetratur o Scotland, at the Versity o Glesca, an The Herald newspaper. Awthegither the’r £800 tae be awairdit atween a wheen o screivars that makkit warks anent sindry subjects wrutten wi the hail o spoken an lettert Scots in aboot. The judges this year comprehendit Lesley Duncan o The Herald, Professor Alan Riach o the Versity o Glesca, an Rab Wilson that’s Preses o the Scots Leid Associe. Aw o them wis richt taen at the reenge an breidth o skeel. The names o the winners is as follaes: Liz Niven o Dumfries, Jim Carruth o Brig o Weir, Ann Mackinnon o Balloch, Finola Scott o Kirkintilloch, David Bleiman o Embra, Deborah Leslie o Innerurie, an Donald Adamson in Finland.

The’r a soond file o this story in Scots abuin.