The Publication Grant tae the Scots Leid is noo open for 2026-27. Fundit bi the Scots Government, an admeenistert bi the Buik Trust for Scotland, the fund wis estaiblisht in 2019 tae gie uphaud tae screivars in Scots for mercatin, prentin, an furthsettin thair warks. The reenge taks in awthing fae redaein aulder kenspeckle warks, throu tae split-new screivings an owersettins. In parteeclar, funders wad like tae gie a heize til ony lee-buiks, whither crime, romance or lee-science, an wad be blithe tae see fowk pittin-in fae less-representit groups, sic as screivars that’s no-cannin, screivars o sindry ethnic an racial backgrund, or LGBTQIA+ screivars. For tae speir oot mair, fowk can clap thair devices on the wabsteid https://www.scottishbooktrust.com/writing-and-authors/scots-language-publication-grant an dounlaid the ordnar forms. Tak tent that the deidline for ingait is twalhoures on Wadensday 2 September 2026.

The’r a soond file o this story in Scots abuin.