The Awairds tae the Scots Leid for 2026 will be held on Seturday 19 September at the Discovery Pynt, in Dundee. The deidline for pittin names forrit wis 9 August, an fowk fae aw airts an pairts will be up for awairds in a wheen o airts an skeels that forders an gies uphaud tae the community o the Scots leid, whither throu education an lare, leetratur, haunling an troke or music an sang. Pit thegither bi Hands Up For Trad, the awairds haes been gauin noo for echt year, an this year the’r a new awaird for fowk that forders the leid bi gait o the media - online steids an the press comprehendit. In Dundee the haunling will be hostit bi Lynne Campbell an Taylor Dyson alang wi a bittie sangshaw fae Iona Fyfe an Scott Gardiner, an wordshaw fae Yvonne Tait an Hugh Macmillan. Amang the sponsors for this year is the Scots Government, National Leebrar an Education Scotland, an the Qualifications, Buik Trust an Tradeetional Airts an Culture bodies for Scotland.

Photie fae Awairds Tae the Scots Leid