The fowk leetit for the Wigtoun Poyetry Competeetion haes noo come oot. Foondit back in 2005, the competeetion ettles tae gie prizes for the best warks wrutten in the Gaelic, Scots an Soothron leids. The’r a prize for thaim that’s kenspeckle tae Dumfries an Gallowa forby. The competeetion is faur ben, gauin bi the nummer o  poyems sent in: 625 awthegither. An screivars pit in fae aw the airts as faur awa as Austrailie. The Wigtoun Scots Prize – warth £500 tae the winner an £200 tae the runner-up – haes sax screivars on the shortleet – Donald Adamson, David Atkinson, Ross Crawford, Wullie Hershaw, James King, an John Stuart-Murray. Winners will be awairdit thair prizes at the Wigtoun Buik Fest tae be held in the toun atween 25 September an 4 October 2026. Scots screivar Rab Wilson will be this year’s judge for the poyems in Scots.