Ards an Down Cooncil, in Norland Irland, alang wi the Ulster Fowk Museum, is awa tae haud its Leid an Lairn programme throu the hairst o 2026. The’ll be sindry haunling anent the Ulster Scots brainch o the Scots leid an the culture sib til’t. The’ll be music an sang, jigging, talks, crack anent the leid, an a gang-roond twa-three steids kenspeckle in history. For thaim wantin tae ken mair aboot the Ulster Scots dialect, Dr Dayna Jost will be haudin an efternuin cryed ‘Hae a Bite an a Blether’ on Friday 6 November, fae 12.30 tae 14.30pm, at the Ards Airts Centre. The price o ingait for thon will be £5 an this comprehends a bittie scran. Dr Jost will haud a crack anent the oreeginal o Scots, hoo it wis fesht-on in Ulster, an whit like it is the day. Fowk attendin will hae the inlat tae speak o thair ain ken o the leid. A body shuid clap his or her device on ANDculture.org.uk or on the Ulster Fowk Museum https://www.ulsterfolkmuseum.org/ wabsteid for mair wittins o ither haunling an for the prices an times o ingait.