On 12 Aprile 2026, the fowk o the Republict o Ungary gaed tae the voting. For the bygane 16 year, Viktor Orbán haed serred as prime meenister at the heid o the richt-wing Fidesz Pairty, an wis regairdit as a strang freen o Roushie. Contrair Orbán is the Respeck an Freedom Pairty – kent as Tisza – heidit bi lawyer Péter Magyar. Magyar haed serred aforehaun in the Fidesz Pairty until 2024 whan he demitit fae aw government-sib poseetions ower the heid o clatters tae dae wi Preses Novák. On 12 Aprile this year, ower 79% o voters gaed oot tae vote an pit Orbán’s government oot in a muckle vote in favour o the Tisza Pairty. Magyar haes sut as a memmer o the European Pairlament fae 2024 an threaps that he is a leebral for Europe, but tuithy wi it.

The’r a soond file o this story in Scots abuin.

Photie o Péter Magyar taen bi Norbert Banhalmi 2026.