The’r a muckle bigging-wark in Cheena that scientars haes concludit haes slawed doun the birl o the warld, jist a bittie. The Dam o the Three Cleuchs striddles the Watter o Yangtze in Mid Cheena. It haes intil’t forby the warld’s lairgest pouer station, brekkin forgauin heichts for ootpit. The biggin o the dam stertit back in 1994 an whan hit opent in 2003 it fair kittled the Chinee government as ane o its maist kenspeckle warks tae date. The dam hauds 10 trillion gallons o watter, an the wecht fae this is that undemous that it gars the warld slaw doun an eiks 0.06 microseconds tae the length o the day. Alang wi this, the aixis o the warld shougles bi aboot 2cm. Hooanever, it isna jist human warks but sindry ither cheils in nature that can chenge the length o the day, or lang-term wabble o the warld, sic as ice, but Jock Tamson’s bairns haes noo done it in a gliff.

The’r a soond file o this story in Scots abuin.

Photie bi Le Grand Portage.