This bygane week Shetland News reportit anent the veesit o First Meenister John Swinney an the parteeclars o the National Islands Plan that’s noo agait. As pairt o this, uphaud for the Shaetlan dialect will come bi gait o a plan for the Scots leid that will see mair uiss o it throu the scuils curriculum. The plan ettles tae speir at the communities o Orkney an Shetland tae see hoo best the 2025 Act for the Leids o Scotland micht wirk in the islands. The plan awns that Orkney an Shetland haes the heichest nummer o Scots speakers bi heid in the hail o Scotland, an that the dialects thareawa is amang the maist kenspeckle. In bygane years, Shetland in parteeclar haes haen braw instances o whit micht be done tae gie Scots a heize, whither in the scuils, throu braidcasting, or troke, an we doot ither airts an cooncils will be tentie for a model.

The’r a soond file o this story in Scots abuin.