Whan speakin in Inglis we say â€˜Shetland dialectâ€™ or jist â€˜the dialectâ€™. â€˜Shetlandicâ€™ is an Inglis name used whan writin in Soothron. But, for dialect speakers amang thair ain, the word â€˜Shetlandâ€™ (pronoonced Shaetlan) is used. The name o the byleid an the name o the islands is the same.

The modren Shetland byleid shares muckle wi ither brainches o Scots, tho itâ€™s weel seen that Norn haes haen a haun in the place-names, vocabular, saws an soonds.

Kenspeckles

The modren Shetland byleid shares muckle wi ither brainches o Scots, tho itâ€™s weel seen that Norn haes haen a haun in the place-names, vocabular, saws an soonds. Ane o the kenspeckles o the byleid is the second person singular pronoun: freens, equals an faimly memmers is likely tae be addresst as du insteid o you (the plural mak is you). Efter du comes the same pairt o a verb as wad kythe efter he or she: e.g.: Du is daft if du believes him!

The objective form is dee e.g.: I dunna laek dee.

Still-objects is affen cawed he or she/shÃ¶. E.g.:

I lost dat book, or maybe Mam dumpit him.

Da new car? ShÃ¶'s a lock faster. (ShÃ¶ is a hame-aboot form.)

Some Shetland vowel soonds is common in Scandinaivie, the maist patent bein Ã¶. Theâ€™r differences in the wey words is pronoonced ben the islands, maistly wi vowels. The kenspeckle short ae soond as in paet an spaek is fund in aw airts. Anither feature thatâ€™s weel seen braid Shetland is the uiss o t whaur Inglis an Mainland Scots uses th, e.g:

this dis

that dat

there dere

thin tin

thick tick

thrive trive

When speakin aboot things bygane, the verb tae be comes in common uiss:

'Is du heard?' 'Yes, I'm heard'.

The Shetland byleid the day is alive an used daily. It belangs, for instance, the warld o tankers, ferries an fairmin da sea: in the voes, gios, stackes, da banks broo, da shoormal, da tap fl'd, da waar an da tang. Gyells an flanns blaws roond oor windmills, steekit haar hauds back the planes, the antrin moolie staps up the roads. We aw buy oor helly errands, try no tae chuck bruck, an howp we can jouk feeries. An as tae fowk: weel-laek, fanted-laek, aaful fine, braaly perskeet, or dounricht poor-amos â€“theâ€™r muckle tae say! Radio Shetland haes dialect programmes intilâ€™t, the public haes a fancy for dialect plays, concerts an poyetry readings, an the â€˜Shetland ForWirdsâ€™ comatee, foondit efter a public caw, ettles at uphaudin the uiss o Shaetlan as a tongue spoken wi smeddum.

The follaein waling, fae a newspaper airticle that kythed in the Shetland Timesin 1890, gies an instance o writing in the Shetland byleid:

â€˜Ill niver firyet, as lang as I can mind, da time wir Patie camâ€™ hame frae da Edinburrie Infirmary. He gade awaâ€™ at da first o Aprile, wi da auld style, anâ€™ we never kent onything mair aboot him til we hed a letter frae a man at yon place in Edinburrie whar dey cuir folk â€“ anâ€™ kill dem tu fir dat maiter â€“ anâ€™ hit was ret ta Daa sayinâ€™ at wir Patie had been taen suddintly ill wiâ€™ som Laetin name or anidder. Daa exed da skulemester, anâ€™ he said hit was juist da Habrue name fir sturdy, anâ€™ he said wir Patie hed been taen yon wy whan da ship wis some wy aff oâ€™ a licht-hoose â€˜at stands oot-a-decks frae Leith Docks. I niver ken muckle aboot dat pairt oâ€™ it, bit onywy wiâ€™ hed anider letter frae wir Patieâ€™s nain hand, tellinâ€™ wis aâ€™ aboot it, an sayinâ€™ he was haelinâ€™ up bonnily, and dey wir a kind oâ€™ a scruif cominâ€™ oot ower him anâ€™ at he wis comin tÃ¼ no sae ill, anâ€™ â€˜at he expeckit ta be hame wiâ€™ da first mune-licht.

History

The Shetland Islands haed the Pechts for the oreeginal fowk, but throu the 9t century AD the Norse â€“ or Vikings â€“ invadit an sattlt doun. Syne the lordship o Shetland wis whiles jyned wi or sindert fae the erledom o Orkney, subject tae the king o Norrowa. In 1469 the king o Denmark-Norrowa pit Orkney in pawn tae pey for his dochter Magretâ€™s mairrage on Jeems III o Scotland. The islands haes bade unner Scots rule sensyne. The hame-aboot form o Norn wis the ordnar langage o admeenistration until the 16t century whan the Scots leid stertit tae tak ower fae hit. Norn held-gauin as a spoken tongue until the 18ct century, but a form o Scots alane haes been the community leid fae thae days onwards.

Shetland Airt

The capital o Shetland is Lerrick while the economy is grundit on ferming, fishing, an the yle industry. The Shetland Isles is weel kent for thair tradeetional knit ware industry an for the kenspeckle Shetland Powny, or Sheltie, while the yearly Uphellya celebrations pits fowk in mind o the bygane Norse days. Aiblins ane o the maist weel kent fowk associate wi the Shetland byleid is the late John J Graham, but theâ€™r a wheen screivars in Shetland byleid, comprehendinLaureen Johnson, Christine De Luca, Robert Alan Jamieson and John Magnus Tait.

For tae learn a bittie mair aboot the history, backgrund an modren day maiters sib Norn, Shetland byleid, an Scots, please clap yer moose here for the wab pages o John Magnus Tait.

Here a link til a wabsteid dedicatit tae the culture an byleid o Shetland. It haes been creatit wi the campaigners Shetland ForWirds, and haes intilâ€™t aw kin kind o resources an information anent leetratur that oxters alang wi an online dictionar. The updates tae wab pages is ongauin an comprehends langage haunling an a Sayin o da Week feature: Shetland ForWirds

Title




Shetland

Articles matching Shetland