The’r a split-new wark o poyems in Shaetlan awa tae come oot thanks tae siller fae the Publication Grant tae the Scots Leid. Layin Aff bi poyet James Sinclair, an edit bi Christine De Luca, haes intil’t a gaithery o poyems wrutten in Shaetlan. The’r a QR code in the buik that gies fowk ingait til a cutty video wi Sinclair readin a wheen o his poyems. Sinclair said it haed taen a year tae mak the wark, an that the siller wis maist walcome tae pit thegither the hinmaist version. The siller is fae bi the Scots Government an is gien oot bi the Buik Trust for Scotland for tae gie uphaud tae screivars in Scots. A body can speir-oot mair anent Shaetlan bi gait o the Shetland ForWirds wabsteid that’s comprehendit in the QR code in the buik.

The’r a soond file o this story in Scots abuin.