The’r a split-new buik oot fae Shaetlan screivar Yvonne Tait, wrutten in the Shaetlan dialect, an cryed A Meid athin da Twalmont. Yvonne wis winner o the Scots Screivar o the Year awaird, at the Awairds tae the Scots Leid, in 2025, an syne wis gien siller fae the Publication Grant for tae mak 500 doobles o her buik. It haed its first ootset on 14 Juin in Shetland. The story tells o a laddie cryed Billy that meets in wi a mannie cryed Ivor that’s dochter wis drount in a Loch whaur Billy sails his wee boat. Ilka year efter, the twa gaither at the loch tae speak o this an hoo a body micht can get ower dowie times. Alang the wey, Tait pents a picture o the landscape that Billy sees aboot the loch, throu the vocabular o Shaetlan, an the’r a wheen o pencil drawings alang wi the text. Fowk can coff the buik bi gait o The Peerie Shop https://peerieshop.co.uk/ or The Shetland Bookshop https://www.shetlandbookshop.co.uk/ baith in Lerrick.

The’r a soond file o this story in Scots abuin.