The 2nd Yearly Lecture in Minding o Craig Sharp is awa tae tak place on Friday 29 November 2019. The lecture, that’s jyntly hostit wi the Centre for Speirings on Rabbie Burns an the Rabbie Burns Warld Federation , is held for tae honour Craig Sharp (1933-2018).

Born in Glesca in 1933, Professor Sharp qualifee’d as a coo doctor or vet an early on in his cawing wirkit doun at Mossgiel ferm whaur the makar Rabbie Burns aince held the tack. It wis thareawa that Sharp’s intress in the makar and the leid wis waukent an efter becam a life-lang follaer. Syne Sharp gaed on tae wirk as a kenspeckle cheil in the field o sport science an becam guidar til a wheen o warld cless athletes.

This year’s lecture will tak the Scots leid as its subject wi papers fae twa namely fowk. The first ane, Professor Jeremy Smith, is Professor o Inglis Philology at the Versity o Glesca. He haes speirt-oot an wrutten muckle anent the Auld Angles leid, Middle Inglis, the Scots leid, an haes a parteeclar intress in hoo the airt o reading wis fesht-on throu history. Amang his mair recent publications is Older Scots: A Linguistic Reader (2012). The second speaker is kenspeckle poyet Rab Wilson that belangs New Cumnock, Ayrshire an that’s warks comprehends a lowse owersettin o The Ruba’iyat of Omar Khayyan (2010) and the jynt wark Burnsiana alang wi airtist Calum Colvin. Wilson haes been a public steerar anent health maiters in Scotland and is the convener o the SLC Cooncil forby.

The lecture will be held atween 16.30 an 18.30pm on Friday 29 November 2019 at Glesca Club, Kelvin Haw 1445 Argyle Street, Glesca. The haunling is free ingait but aw thaim wi an intress shuid speir aboot tickets tae mak shair o a seat. Please clap on Eventbrite tae buik at https://www.eventbrite.co.uk/e/craig-sharp-annual-memorial-lecture-tickets-71035132995

Title

Articles matching 18th Century